Tàm dơ̆ cri bơyai, Thủ tướng Cíñ phủ ồng Phạm Minh Chính đơs tờm nùs nhơm lài kung bè tơnơ̆ bơh lơgar Việt Nam dê sền lơgar Mỹ là dùl lơgar tam klăc lơh broă bal kwơ màng jŏ jòng, pơn jờng lơgar Mỹ kờñ bal dùl lơgar Việt Nam pràn, krơi is, pràn is mờ pas gơs, mờ hòi jà lơgar Mỹ pơn jăt tai lơh pràn ală broă lơh broă bal mùl màl.

Kwang atbồ lơgar Mỹ ồng Joe Biden ring bal mờ Thủ tướng ồng Phạm Minh Chính bè ală gùng dà broă lơh, lơh jăt broă lơh pa bơh bơta git gơ̆p đah bàr lơgar dê kung bè ală gah broă lơh broă bal ai lài ngan, tàm hơ̆ geh lơh sơnơm, rài kis lơh sa mpồl bơtiàn, năng lượng tơlir, kông nghệ kao. Kwang atbồ lơgar Mỹ ồng Joe Biden hòi jà bàr gah tơnguh lơh broă bal tàm ai phan ƀán zẫn bơh ală broă bơto cau lơh broă ai lơgar Việt Nam in, bơh tŭ hơ̆ rơhời dong kờl lơgar Việt Nam tus bal jrô ơnàng rơlao mờ gơs bơta kwơ màng tàm ală mpồl ai phan tàm tiah do mờ tàm dunia.