Cribơyai jrô ơnàng làm uă ală broă dunia mờ tiah do, Kwang đơng lam bồ ală lơgar đơs nền tai nùs nhơm bơta pal jăt bơh Asean dê, đơs sùm bơta kwơmàng bơh ring lơngai, lơngăp lơngai mờ kơ̆ kơl jăp tàm dà lềng đah mat tơngai lik, hòi jà lơh jăt wil tơl mờ geh cồng nha Jơnau yal bơr DOC mờ lơh ngan lơh geh Ală bơta pal jăt COC ngan ngồn, geh cồng nha, dipal mờ adat boh lam dunia mờ UNCLOS nam 1982; kờñ lơh jăt niam gơnoar broă bơh Asean tàm broă dong kờl lơgar Myanmar, sồr lơh jăt geh cồng nha Jơnau ring bal 5 bơta; mờ tam pà bal bơta kơlôi rơcăng bè jơnau gơlời wơl bơh dơ̆ tam lơh đah Nga mờ Ukraine dê, đơs sùm lơh jăt ală jơnau pal jăt tờm ngan bơh Sơnoa boh lam Liên hợp quôk dê mờ adat boh lam dunia dê. Thủ tướng Cíñ phủ ồng Phạm Minh Chính yal, tơnơ̆ rlau nggùl rài lơh mờ bơtàu tơnguh, ờ hềt tŭ lơi Asean ơm tàm bơngă mờ gơnoar broă niam kung bè pal kong mờ uă bơta lòng bè tŭ do. Asean là anih tờm bơh dùl ròt ală jơnau kơlôi lơh lơh bal mờ tàm tơrbŏ kơnhoàl ù tiah, mơkung là broă kwơmàng tàm broă tàm pơrlòng jŏ jòng kràñ cê đah ală lơgar dờng dê.