VOV4.K’ho- Mho ngai 18/10, Thủ tướng Cíñ phủ ồng Phạm Minh Chính neh cribơyai tàm điện thoại mờ Thủ tướng lơgar Australia ồng Anthony Albanese nàng cribơyai ală broă lơh sơlơ tơnguh bơta git gơp đah 2 lơgar, ngan là bè sơlơ tơnguh lơh broă bal bè lơh sa- kă bro- bơcri priă, wèt tus tơngkah kir sơnrai 50 nam ngai crơng gơs broă cribơyai broă mờ lơgar ndai 2 lơgar nam 2023.

Thủ tướng ồng Phạm Minh Chính cribơyai tàm điện thoại mờ Thủ tướng Australia

Thủ tướng Cíñ phủ Phạm Minh Chính mờ thủ tướng Australia ồng Anthony Albanese neh sền wơl ală bơta bơtàu tơnguh niam bơnĕ mờ geh cồng nha tàm git gơp đah 2 lơgar tàm tơngai lài. Bàr Thủ tướng đơs niam broă 2 lơgar gàr sùm ală broă lơh tàm pơgơl, cribơyai broă kwang bàng, tìp mat kwang bàng kâp dờng, tàm hơ̆ geh broă rơcang lài ai dơ̆ lòt còp ngan ngồn lơgar Australia mờr tus bơh Củ tịc Quôk hội ồng Vương Đình Huệ dê. Thủ tướng Phạm Minh Chính sồr đah Australia pơn jat tai dong kờl kỹ thuật mờ rề ơnàng drà kă bro rlau tai ai bơkàu, plai chi ris mờ phan tàm dà bơh lơgar Việt Nam dê in. Thủ tướng Phạm Minh Chính kung sồr Australia pơn jờng ală mpồl lơh sa kă bro lơgar Australia sơlơ bơcri priă uă rlau tai tàm lơgar Việt Nam.

VOV/Cau mblàng K’Duẩn