VOV4.K’ho- Mho ngai 20/4, Thủ tướng Cíñ phủ ồng Phạm Minh Chính neh cribơyai tàm điện thoại mờ Thủ tướng lơgar Italia ồng Mario Draghi. Bàr nă Kwang đơng lam bồ ring bal tơnguh dơ̆ cribơyai tàm ală kấp, ngan là kấp kwang bàng kấp dờng mờ pơn jat tai lơh geh cồng nha bơh Broă lơh lơh broă lam lơh gĭt gơ̆p lơh broă bal kwơ màng  nam 2021- 2023.

Thủ tướng Cíñ phủ ồng Phạm Minh Chính cribơyai tàm điện thoại mờ Thủ tướng Italia

Bàr gah chờ hờp sền gŏ tơnơ̆ mờr 2 nam lơh jat Hiệp định kă bro khat gơboh Việt Nam- EU (EVFTA), tàm pơgơl kă bro 2 gah lơh geh cồng nha niam ngan. Tàm nam 2021, priă kă bro 2 gah lơh geh 5 tơmàn 600 tơlak đô lar Mỹ, gơguh 20% pơn ndrờm mờ nam 2020. Ồng Phạm Minh Chính sồr lơgar Italia gờñ kĭ ring bal Hiệp định sền gàr dong kờl bơcri priă Việt Nam - EU (EVIPA), gờñ dờp sră cĭt tơl ding vaccine mờ lơh geh bơta ƀuơn ai phan bơna Việt Nam in tus bal tàm drà kă bro, ngan là gah phan lơh geh bơh lơh sa suơn sre, phan ngui sa, plai chi kàl tơnhào bè pơ ò, plai thanh long mờ plai gơ àl.

Cau mblàng K’Hạnh