Tàm dơ̆ cribơyai tàm điện thoại, Thủ tướng Cíñ phủ ồng Phạm Minh Chính đơs nền, Cíñ phủ Việt Nam rơp pơn jat tai pơgồp bal jơh nùs mờ Cíñ phủ Singapore ai bơta git gơp Lơh broă bal kuơmàng đah 2 lơgar bơtàu tơnguh ngai sơlơ pràn kơldang, tàm jơh ală bơta, ngan ngồn, geh cồng nha, dipal mờ dùl bơta pơn rơ niam tàm git gơp ngac ngar tàm mpồl ASEAN mờ là rùp hin lơh lài nàng lơh geh ală gùng dà lơh broă bal tàm dơlam mpồl ndai.

Thủ tướng Singapore đơs nền rơp pơn jat tai sơlơ tơnguh tai broă cribơyai mpồl, tìp mat kwang bàng kâp dờng mờ ală kâp kung bè ală mpồl lơh broă bal 2 gah, ngan là dơ̆ tìp mat pah nam đah Thủ tướng 2 lơgar nàng sơlơ tơnguh tai bơta git gơp lơh bơyô mờ pin dờn cíñ trị. Bè ală broă tàm tiah do, 2 lơgar ring bal sơlơ tơnguh tai bơta tam klac mpồl ASEAN, dong lơgar Lào lơh geh cồng nha gơnoar broă Củ tịc ASEAN nam 2024, sền gròi dipal ai bơtàu tơnguh kơ̆ kơljap bơh ală tiah dềt tàm tiah do dê in, tàm hơ̆ geh tiah dềt Mekong, bơh hơ̆, tă pơgồp uă ngan ai ASEAN in brồ guh is, pas sơm mờ bơtàu tơnguh kơ̆ kơljap, ngui niam gơnoar broă anih tờm tàm tiah do.