Pơndŭt dơ̆ lơh broă, Thủ tướng Cíñ phủ ồng Phạm Minh Chính đơs loh, pal gĭt nền broă lam lơh jăt Kơrnoăt ờ mìng is ai ƀòn dờng Hồ Chí Minh in lơm, dilah lơh jăt gơtùi den jơh gùt lơgar kung geh dờp kwơ bal sơl.

Thủ tướng sồr ai lơh jăt mơ tơn Broă rơndăp lơh lơh broă bơh Cíñ phủ dê, lơyài ngan rlau jơh là tàm poh tus, jàu kơnòl broă loh làng, jàu ală Phó Thủ tướng drơng kơnòl broă. Ƀộ Kế hoặc mờ Đầu tư pơgồp bal mờ Cơldŭ lơh broă Cíñ phủ mờ ƀòn dờng Hồ Chí Minh kờp sền wơl, ală broă kờñ Cíñ phủ ai lơh jăt Nghị địñ den Cíñ phủ ai lơh jăt jăt bơta rơndăp tăp sèng, broă lơh lời wơl dùl êt, ală Phó Thủ tướng sồr lơh jăt gah broă lơh drơng kơnòl broă nàng bơsong ală broă gam geh jơnau đơs krơi is. Ală ƀộ gah lơh broă dà lơgar mhar ai lơh jăt ală sră nggal bơto pơlam jăt gơnăp gơnoar. Ală sră nggal pal geh ai lơh jăt lơyài ngan rlau jơh là ngai 15/08 tus.