Jăt jơnau yal, broă Lơh sa- mpồl bơtiàn nhai 07 pơn jăt tai ngai sơlơ niam ngan, lơh geh cồng nha niam rlau mờ nhai 06, kờp bal 07 nhai niam rlau pơndrờm bal dồ tŭ mờ nam lài tàm jơh ală broă. Pơnrơ là broă lơh sồr lơh đơng lam bè sền bal geh mờng chài rlau, rơcăng lài, ngăc ngar, dipal, jăt rềp mờ bơta geh ngan rlau; Gơguh tai geh tơngguh tàm jơh bal 3 tiah: lơh sa mờ măy mŏk, broă lơh sa sươn sre, drơng broă. Ală broă tờm bơh rài lơh sa dê pơn jăt tai tam gơl niam ngan; uă broă gam gơkòl geh tơrgùm tă bơsong; Sền gàr niam rài kis mpồl bơtiàn geh gàr niam.

Pơndŭt dơ̆ pơrjum, Thủ tướng ồng Phạm Minh Chính sồr ală kâp, ală gah broă, ală tiah pal pơn jăt tai lơh jăt dồ ròt bal, kràñ cê jơh nùs ală kơnòl broă, broă lơh sồr lơh tàm ală broă bal mờ nùs nhơm: Jơh nùs jơh tồr, lơh ngan jơh pràn, lơh broă kràñ cê jơh nùs, pal lơh gơtùi, pơnđơl lơh jăt tus geh tơl làm ală jơnau kờñ, kơnòl broă nam 2024 dê; Kràñ cê jơh nùs lơh pràn rlau tai ai priă bơcri dà lơgar dê, 3 broă lơh jơnau kờñ dà lơgar dê; Pơn jăt tai tơrgùm bơsong jơh ală broă gam gơkòl, jŏ jòng.