Đơs tàm dơ̆ pơrjum, Thủ tướng Cíñ phủ ồng Phạm Minh Chính đơs sùm, qúy 1 nam 2023, gơguh lơh sa lơgar he dê lơyah rlau pơndrờm dùl tŭ bal mờ nam 2022 tài bơh ală jơnau gơbàn ờ gơtùi gĭt lài mờ geh gĭt lài. Nàng lơh sa bơtàu tơnguh wơl mhar mờ bơtàu tơnguh kơ̆ kơl jap kờñ pal sền sơ wì, ai tơlik ală jơnau kờñ, kơnòl broă, broă lơh di pal; tàm hơ̆ pơn jat tai dong kờl mpồl lơh sa kă bro, làng bol, sơlơ tơnguh lơh sa, kă bro.

Thủ tướng sơñio loh, lài ngan pal ngui ală phan bơna bơh Dà lơgar, bơh Ngân hàng dê nàng pơn jat tai bơtàu tơnguh bơta pràn bal bơh dà lơgar dê, hòi jà tơrgùm priă jền nàng bơtàu tơnguh, ngan là nàng tă bơsong bơta kal ke tàm tŭ do, tàm hơ̆ geh mpồl broă nàng hòi jà tơrgùm priă jền tàm ală tơngume geh gơrềng tơn tus gah kă bro ù tiah hìu đam, gĭt mờ priă bơcri, gơ hòi gơ jà priă bơcri bơh mpồl lơh sa kă bro, bơh làng bol, drà kă bro trái phiếu dê... bơh hơ̆ ai tơlik ală broă lơh di tŭ. Mơkung pơn jat tai sền gŏ ală bơta kòl yan kờñ pal tă bơsong; ring bal nùs nhơm, broă lơh nàng ai tơlik ală broă lơh di pal.