Ala măt Cíñ phủ, Thủ tướng ồng Phạm Minh Chính cih dờp, jờng rơ mờ đơs niam ngan ală cồng nha mờ ală ƀộ, gah broă, ƀòn lơgar neh lơh neh lơh geh, is ồn là 11 ƀộ, anih lơh broă mờ 35 tiah geh khà ai priă rlau khà kờp bal bơh jơh gùt lơgar dê, ngan là ală càr tiah tàm gùl lơgar, tă pơgồp kwơmàng tàm bơtàu tơngguh lơh sa- mpồl bơtiàn tơngai do. Thủ tướng đơs sùm, nam 2024 pal là nam tam gơl pràn tàm ai priă bơcri dà lơgar dê, lơh geh bơnàng jă ƀươn ƀoài lơh sir ală jơnau kờñ bơtàu tơngguh lơh sa- mpồl bơtiàn nam 2024 mờ pơnđơl tus nam 2025, ngan là 3 rbô kơi sồ gùng rơndeh lòt mhar.

Thủ tướng sồr ală Ƀộ trưởng, Kwang ătbồ gah broă, Củ tịc Anih duh broă Làng bol kâp càr tơrgùm lơh jăt niam ală Jơnau lơh nền tàm pơrjum Cíñ  phủ dê, Jơnau sồr, Jơnau đơng lam bơh Thủ tướng Cíñ phủ mờ ală sră nggal sồr lơh bơh kwang đơng lam bồ Cíñ phủ dê bè sồr ngan tam pà, ai priă bơcri dà lơgar nam 2024.