Đơs tàm pơrjum, Thủ tướng ồng Phạm Minh Chính pà git, bơh sơnrờp tơngai lơh broă tus tŭ do, he neh bơyai lơh 25 dơ̆ pơrjùm mìng dùl tơngu me bè lơh adăt boh lam; pơgồp jơnau đơs, sền wơl, ring bal gơwèt mờ mờr 100 jơnau sồr lơh adăt boh lam, rơndăp broă lơh adăt boh lam mờ ală tơngu me gơrềng bal; là ală tơngu me kwơ màng, jal mhar nàng lơh gơs adăt boh lam, bơsong ală bơta gơkòl, kal ke, pờ gùng ală bơta pràn ai broă bơtàu tơnguh in bè ală Adăt: ù tiah, Ală mpồl ai càn priă, Ù tiah hìu ơm.

Thủ tướng sồr ală kwang bàng tàm Cíñ phủ tơrgùm bơta ngăc ngar, pơn jăt tai nùs nhơm tam gơl pa; yal ờ uă, jơnau đơs loh làng, đơs song tơn tàm broă lơh; tơrgùm cri bơyai bè ală bơta kwơ màng, gam geh jơnau đơs mờ ndrờm bal pal geh cri bơyai, dan geh jơnau Cíñ phủ; di tơngai, bơta niam bơh Dơ̆ pơrjum.