Đơs pơndŭt pơrjum, Thủ tướng Cíñ phủ ồng Phạm Minh Chính neh mblàng lơh loh bơta tàm dunia mờ tàm lơgar, mơkung sơñio loh ală bơta ờ hềt pràn, bơta kal ke, bơta lòng.

Thủ tướng sồr, lơh di mờ Nghị quyết pơrjum dơ̆ 13 bơh Đảng, bơta đơng lam, sồr lơh, ală Nghị quyết, jơnau đơs pơn dŭt bơh Dà lơgar, Quôk hội mờ Cíñ phủ dê; lơh ngan ngồn ală gùng dà broă lơh, gùng dà broă lơh tơmŭt tàm broă lơh, kơnòl broă bơh ală kấp, ală ngàñ, ală tiah dê. Pơn jat tai dùl nùs lơh jơnau kờñ gàr kơ̆ kơljap lơh sa dờng, gròi sền roh giă priă, sơlơ gơguh lơh sa, pal tàm pơnring dờng bơh rài lơh sa dê. Ngan là Thủ tướng sồr, pal lơh niam, tŭ tơngai lơh ală rơndap broă lơh, tơngume yal mờ Ƀộ Cíñ trị, Ƀan Ƀí thư, Pơrjum dà lơgar in. Lơh nền nùs nhơm đơng lam, sồr lơh lơh jat di mờ bơta geh ngan, yal ală bơta, lơh jat broă lơh di tŭ, di pal.