Tơnơ̆ tŭ iăt ală jơnau đơs tă pơgồp bal, đơs pơndŭt tàm dơ̆ pơrjum, Thủ tướng ồng Phạm Minh Chính neh sơñio loh cồng nha neh lơh geh, ală bơta ờ hềt lơh geh tàm hơ̆ đơs loh “5 bơta ờ hềt lơh geh”, bè: Bơta kơn jơ̆ sồr lơh đơng lam lơh sa dờng, ngan là roh giă priă, priă cồng, tàm pơndrờm priă gam jơnhoa ngan tài bơh giă zờu ờ hềt lơh gơlik, giă kòi phe, priă cồng, khà priă tàm drà kă bro tàm dunia tam gơl uă ngan; hoàc huơr tàm ală drà kă bro priă jền, tàm pơndrờm priă, ù tiah hìu đam tàm dunia; bơta ờ niam cíñ trị, lơh sa mpồl bơtiàn sơlơ gơguh.

Tàm tơngai tus Thủ tướng sồr, jat tàm Nghị quyết pơrjum dờng dơ̆ 13 bơh Đảng dê, bơta đơng lam bơh Dà lơgar, Ƀộ Cíñ trị mờ kwang đơng lam bồ tờm, broă lơh kwơ màng bơtàu tơnguh lơh sa- mpồl bơtiàn bơh nam 2021-2030, ală broă rơndăp lơh 5 nam tơngai bơh nam 2021- 2025, ală Nghị quyết, Cỉ thị bơh Cíñ phủ, Thủ tướng Cíñ phủ dê. Jơh nùs lơh ngan ờ gŏ rŭc wơl tềng đap kal ke, gàr kơ̆ bơta khin cha, jơh nùs jơh tồr lơh geh jơnau kờñ geh ai mờ nùs nhơm lơh ngan jơh nùs uă rlau tai, pơnđơl pràn lơh ngan dờng rlau tai, lơh broă kràñ cê jơh nùs, geh cồng nha rlau tai. Ai bơta pràn is tàm dơlam là kwơ màng ngan, lài ngan, jŏ jòng, lơh nền, bơta pràn bơh đah bơdìh là kwơ màng mờ bơtàu tơnguh. Lơh jat niam nùs nhơm tam klăc bal, kơnờm bơta pràn is, sền bơta kal ke, bơta lòng là bơta gơn kơnờm pơnđơl pràn lơh ngan brồ guh. Tơrgùm tă bơsong bơta kal ke, sơlơ tơnguh lơh sa kă bro, lơh geh broă lơh, broă sa ai làng bol in.