VOV4.K’ho- Drim ngai 19/4, tàm hìu lơh broă Cíñ phủ, Thủ tướng Cíñ phủ ồng Phạm Minh Chính neh đơng lam pơrjum Cíñ phủ tơngume bè lam lơh broă lơh, adat boh lam bè broă lơh rơndap ù tiah kờp bơh tŭ Adat rơndap ù tiah geh ai ngui ngan ngồn. Tàm pơrjum, Thủ tướng Phạm Minh Chính pà git, tàm pơrjum do kờñ sền sơ wì cồng nha broă lơh rơndap ù tiah, jơnau bơsram mờng chài, jơnau bơh tài gơlik geh; ală kal ke, kòl yan; kơnòl broă, broă lơh tơnguh cồng nha broă crơng gơs rơndap ù tiah tàm tơngai tus.

Thủ tướng Phạm Minh Chính sồr ală kwang bàng tus bal pơrjum tơrgùm cribơyai ală broă bè bơta pràn lơh gơs kơnòl broă rơndap ù tiah nam 2022; đal git loh tơngume bơh rơndap ù tiah tơrgùm jơh ală bơta dà lơgar; bơta gơ rềng đah ală rơndap ù tiah; broă tơrgùm rơndap ù tiah; rơ wah pơlam crơng gơs rơndap ù tiah... Thủ tướng đơs nền, broă lơh rơndap ù tiah geh ală bơta kal ke, bơta pa, ƀuơn gơ rềng den tàng geh ală jơnau đơs krơi is. Den tàng pal kơlôi sơnơng uă, geh broă lơh jơh bal tềng đap mat mờ jŏ jòng nàng broă lơh rơndap ù tiah geh lam lơh geh cồng nha.

Cau mblàng K’Duẩn