Pơrjum nàng sền sơ wì, tă pơgồp jơnau đơs gơwèt mờ jơnau sồr lơh Adat phan lời wơl niam chài (tam gơl), lơh Adat tam gơl, bơtơl bàr pe bơta bơh Adat tơl khà, jơnau sồr tơl khà kỹ thuật mờ bàr pe rơndap lơh adat ndai.

 Đơs tàm dơ̆ pơrjum bè jơnau sồr lơh Adat Phan lời wơl niam chài (tam gơl), Thủ tướng Cíñ phủ ồng Phạm Minh Chính sồr Ƀộ Văn hoá, Thể thao mờ Zu lịc iăt, kơno sac rơwah, gàr niam bơta tơrgùm bal, tơl làm; đơs sùm, tơn jơh pal nền nòn rlau tai, pơn jat tai lơh sir sră nggal rơndap broă lơh Adat, bơsong bơta kòl yan kờñ tă bơsong mờ lơh jơh ală broă ờ hềt geh tàm Adat; bè bơta ală tiah, ală cau bơh rơndap broă lơh Adat pal tơrgùm bal uă jơnau rlau tai; kờp sền bañ lời gơtìp tàm rơndăp rơndồl, bơta ờ niam tàm adat boh lam, kal ke tŭ mut ngui, lơh jat tơnơ̆ do. Pal tam pà kấp uă rlau tai tàm broă atbồ dà lơgar; Ƀộ mìng pal lơh kơnòl broă kwơ màng, broă rơndap lơh, rơndap ù tiah, lơh kơrnoat, broă lơh, gùng dà broă lơh ai bơta bơtàu tơnguh in...