Đơs sơnđờm mut pơrjum dơ̆ 2, Thủ tướng ồng Phạm Minh Chính sồr Ƀộ Sền gàr adat boh lam yal bè tŭ tơngai mờ cồng nha lơh jat jơnau pơndŭt bơh Duh broă sùm Cíñ phủ dê tàm pơrjum dơ̆ 1. Tàm hơ̆, sền sơwì ală Ƀộ, gah broă lơh jat kơnòl broă bơsong cồng nha kờp sền sră nggal neh geh Cíñ phủ sơñio geh tàm ală Jơnau yal kờp sền sră nggal geh gơrềng tus adat boh lam drơng Jơnau lơh nền tàm pơrjum sồ 101/2023 mờ Jơnau lơh nền tàm pơrjum sồ 110/2023 bơh Quôk hội khoă XV dê.

Bal mờ hơ̆, jơnau yal cồng nha kờp sền, tơrgùm wơl ală bơta kal ke, kòl yan adat boh lam cèng bơta jal mhar, tàm bơta adat pal tơrgùm kơlôi sơnơng, tă bơsong mờ kờp dŭ lài đơs broă lơh tàm jàu kơnòl broă ai ală ƀộ, gah broă in kơlôi sơnơng mờ bơsong. Bơh hơ̆, đơs broă lơh geh cồng nha, tơl làm lơh jat kơnòl broă geh Cíñ phủ jàu tàm Jơnau lơh nền tàm pơrjum sồ 82 , Jơnau lơh nền tàm pơrjum sồ 93  mờ Jơnau lơh nền sồ 81 ngai 25/7/2024 ai lơh jat Broă rơndăp lơh lơh broă bơh Mpồl Sồr lơh dê.