VOV4.K’ho - Drim òr (08/08), tàm hìu lơh broă Cíñ phủ, Thủ tướng Cíñ phủ, Củ tịc Ủy ƀan Dà lơgar bè tam gơl sồ ồng Phạm Minh Chính đơng lam pơrjum dơ̆ Pe bơh Ủy ƀan dê nàng sền wơl cồng nha tam gơl sồ 06 nhai bồ nam 2022 mờ ai geh ală gùng dà broă lơh, kơnòl broă tam gơl sồ tàm tơngai tus.

      Thủ tướng Cíñ phủ ồng Phạm Minh Chính đơng lam pơrjum dơ̆ 3 bơh Ủy ƀan Dà lơgar bè tam gơl sồ

Tŭ kòp Kovid-19 gơtìp kal ke, broă tam gơl sồ gơs broă pal geh lơh mhar tàm ală kấp, ală gah lơh broă, ală càr, ƀòn dờng bal mờ làng bol, mpồl lơh sa kă bro nàng rơcang sơndră mờ kòp gơtờp geh cồng nha mờ brồ guh wơl, tơnguh bơtàu lơh sa mpồl bơtiàn. Tŭ kòp gơtờp geh sền gròi, tam gơl sồ pơn jăt tai là broă lơh tờm, pơgồp bal kwơ màng tàm broă brồ guh wơl mhar, tơnguh bơtàu kơl jăp lơh sa mpồl bơtiàn, bơ̆t bơtàu broă lơh sa krơi is, lơh tờm pơgồp bal mờ broă rơcang lài, tus bal tơrgùm mờ dunia jrô ơnàng, mùl màl, geh cồng nha. Tàm pơrjum do, thủ tướng sồr ală kwang bàng pal song dơ pă sền wơl loh làng, di pal, ai geh cơng tàng mùl màl bè broă lơh jăt kơnòl tàm tơngai pa do, sền wơl jơh ală kơnòl geh tam pà jăt mờ broă rơndăp lơh nam 2022 bơh Ủy ƀan Dà lơgar dê bè tam gơl sồ mờ ală kơnòl geh jào tàm Pơrjum dơ̆ lài bơh Ủy ƀan dê.

Cau mblàng Ndong Brawl