Đơs tàm pơrjum, Thủ tướng Cíñ phủ ồng Phạm Minh Chính đơs nền, tam gơl wơl hàn cíñ là dùl tàm 3 kơnòl tam gơl pràn kuơmàng, geh Đảng, Dà lơgar jơh nùs sền gròi đơng lam, sồr lơh mờ lam lơh jat.

Thủ tướng sồr ală kwang bàng đơs song tàm broă geh ai tơlik, đơs lơyah, đơs di tơngume tờm, di bơta tờm, gàr niam tŭ tơngai, bơta niam, tơrgùm sền sơ wì, lơh loh ală cồng nha lơh geh, ală bơta ờ niam, jơnau bơh tài gơlik geh, jơnau bơsram mờng chài tàm broă lam lơh tam gơl sră nggal hàñ cíñ gơ jat bal mờ tam gơl sồ drơng làng bol, mpồl lơh sa kă bro mờ ai tơlik broă lơh bơsong ală bơta kòl yan tàm broă lam lơh jat. Mờ kung sền sơ wì dùl êt cồng nha tam gơl wơl hàñ cíñ đơs bal mờ ai tơlik ală kơnòl broă, broă lơh ngan ngồn nàng sơlơ tơnguh broă lơh do tàm tơngai tus.