Đơs tàm pơrjum, Thủ tướng ồng Phạm Minh Chính đơs nền “3 bal”; iăt bal mờ git wă bal; tam pà bal nùs nhơm kơlôi sơnơng, jơnau git wă mờ lơh broă; lơh bal, dờp bal, jai pha bal mờ bơtàu tơnguh. Bơta do sùm di tŭ lơh jăt mờ ală mpồl lơh sa kă bro, mpồl tam klăc bal, làng bol dê.

Thủ tướng đơs loh, pal pơn jăt tai sền wơl, git nền nòn ală bơta gơlik geh tàm dunia mờ tàm tiah do nàng tơnguh ală drà kă bro neh geh lài, pờ ơnàng ală drà kă bro pa, bơtơl ală bơta gơtìp ờ tơl, ală bơta ală lơgar gam kờñ; tơmù bơta koh gơl broă ai phan, phan geh lơh gùt plai ù mờ broă tơnguh uă, lơh niam khà măt kă bro, bơta niam phan geh lơh, bơtàu tơnguh tơlir, bơtàu tơnguh sồ; pơgồp bal nền nòn đah tàm lơgar mờ bơdìh lơgar, pơgồp bal đah ală ƀộ, gah lơh broă dà lơgar, pơgồp bal đah Dà lơgar mờ ală mpồl lơh sa kă bro, làng bol tàm bơta geh kwơ ndrờm bal, rềs àr tam pà bal.