Đơs tàm Pơrjum, Thủ tướng đơs loh, mờ nùs nhơm lòt bal mờ mpồl lơh sa kă bro, jòi geh ală broă lơh niam, broă lơh pa, gơdờp mờ bơta drà kă bro tàm lơgar, tiah do mờ dunia nàng dong kờl mpồl lơh sa kă bro sơrlèt mờ kal ke, bơta lòng, lơh pràn broă lơh sa, lơh gơs, tăc mờ lơgar bơdìh phan geh lơh bơh brê bơnơm tơnguh bơtàu kơl jăp, gàr niam broă ngui sa tàm lơgar mờ ai geh priă tăc phan mờ lơgar bơdìh: phan geh lơh bơh brê bơnơm nam 2023 geh 17 tơmàn 500 tơlăk dolar Mỹ.

Thủ tướng sồr pơrjum tơrgùm cri bơyai, lơh loh, nàng git tơl, di pal ală bơta kal ke, gơkòl lơh ờ niam tus lơh sa, lơh mờ kă bro ală bơta phan geh lơh bơh dơm chi, phan brê mờ phan tàm dà, tàm hơ̆ uă ngan là lơh gơrềng tus mờ broă gơguh khà tăc phan mờ lơgar bơdìh. Pơrjum kung neh tam pà ală broă lơh mờng chài mờ jơnau bơsram bơh ală gah, mpồl lơh sa kă bro, broă lơh niam pal geh lơh uă tàm tơngai tus.