VOV4.K’ho- Drim ngai 27/09, Thủ tướng Cíñ phủ ồng Phạm Minh Chính đơng lam pơrjum pờ tơlik tơn tàm internet mờ 8 tiah tàm gùl lơgar mờ Tây Nguyên bè broă lơh rcang sơndră mờ mìu càl rbŭt dờng sồ 4.

Anih tàm dơ̆ bơyai lơh dơ̆ pơrjum

Đơs đơng lam tàm pơrjum, Thủ tướng Cíñ phủ ồng Phạm Minh Chính đơs loh, jat jơnau yal tơngĭt lài bơh ală anih lơh broă geh gơnoar, mìu càl rbŭt dờng sồ 4 gơlik geh kal ke, càl pồt pràn, gơ lòt mhar. Dilah rcang lài niam den tŭ mìu càl rơbŭt dờng mŭt mờ càl pồt  pràn kờp dŭ lài den kung gam gàr niam bơta lơngap lơngai. Ală ngai do, ală tiah neh bơto pơlam mờr 58 rơbô nơm ơhò plung mờ pơgap 300 rơbô nă cau lơh broă ntrờn, pleh; lơh kơ̆ kơljap, ntrờn 4 rơbô 500 hìu gŭ ròng phan tam dà; geh broă rơndap lơh mờ lơh ntrờn rlau 100 rơbô hìu bơnhă mờ mờr 400 rơbô nă làng bol tàm ală tiah geh pơhìn aniai uă. Thủ tướng jờng rơ nùs nhơm bơh ală càr, ƀòn dờng, ală cau tàm Mpồl đơng lam dê. Thủ tướng sồr Mpồl đơng lam, ală Ƀộ, ngàñ, ală tiah bañ ờ rcang sền ngăc mờ sền ờ sơ̆p tàm khat dùl tŭ lơi.

VOV.vn- Cau mblàng K’Hạnh