Tàm pơrjum, Ƀộ trưởng Củ ñiệm Cơl dŭ lơh broă Cíñ phủ ồng Trần Văn Sơn neh yal Kơrnoat bơh Thủ tướng Cíñ phủ dê bè tơlik mat Mpồl duh broă pơgồp bal đơng pơlam tiah đah Jum mat tơngai lik dà lơgar. Mờ nùs nhơm bơtàu tơnguh tiah đah Jum mat tơngai lik dà lơgar pal là tiah bơtàu tơnguh ngăc ngar, anih tờm lơh sa, priă jền, kă bro, drơng broă, bơto bơtê, bơto uă cau lơh broă jak, khoa họk- kông nghệ, tam gơl pa bơceh lơh, tam gơl sồ lam lài gùt lơgar mờ tiah đah Jum mat tơngai lik câu Á, geh at gơnoar broă kwơ màng tàm broă tàm tơrbŏ bal bơtàu tơnguh bal mờ ală tiah lơh sa ndai. Bơt bơtàu tiah đah Jum mat tơngai lik dà lơgar gơ gơs tiah jak chài, ngăc ngar, pa ngan, mut gơ rờm bal mờ dunia.

Tàm dơ̆ pơrjum, kwang đơng lam bồ ală Ƀộ, ngàñ, ală tiah, kwang bàng jak chài, cau jak chài neh geh jơnau cih tă pơgồp jơnau đơs bè broă lơh pơgồp bal mờ gơ hòi gơ jà priă jền lơh ală gùng lòt tiah đah Jum mat tơngai lik dà lơgar dùl ròt bal, pa ngan. Đơs kơnòl broă lam lơh broă lơh pơgồp bal đơng pơlam lơh tiah do dê 6 nhai lồi nam 2023; broă lơh pơgồp bal đơng pơlam, bơt bơtàu mờ bơtàu tơnguh ală tiah drà dờng tàm tiah do gơ gơs ală ƀòn dờng pa ngan drờm pal mờ kơnhoàl ù tiah do. Đơs gùng dà broă lơh, broă lơh krơi is tiah đah Jum mat tơngai lik dà lơgar dê nàng kờñ bơtàu tơnguh phan bơt bơtàu gùng lòt, tiah drà tơlir, anih tờm priă jền....