VOV4.K’ho - Drim òr (01/03), tàm hìu lơh broă Cíñ phủ, Thủ tướng Cíñ phủ ồng Phạm Minh Chính đơng lam pơrjum pờ tơlik tàm internet đah Thường trực Cíñ phủ bal mờ ală càr, ƀòn dờng, iăt  jơnau yal kơlôi sơnơng lài mờ cồng nha geh lơh gơwèt mờ 5 rơndăp broă lơh gùng lòt tờm, tàm hơ̆ geh: gùng jăt gah 4 tiah càr lơgar Hà Nội; gùng jăt gah 3 ƀòn dờng Hồ Chí Minh; gùng ntoăt jờl Châu Đốc-Cần Thơ-Sóc Trăng; gùng ntoăt jờl Khánh Hoà-Buôn Ma Thuột; gùng ntoăt jờl Biên Hoà-Vũng Tàu.

Tàm pơrjum, Thủ tướng Cíñ phủ ồng Phạm Minh Chính đơs tờm, 5 rơndăp broă lơh gùng lòt geh sền dơ̆ do ndrờm là ală gơl gùng lòt kwơ màng, là gơl gùng lòt tơrbŏ bal ală tiah tờm lơh sa dờng, ală gơl gùng lòt tờm bơh ală tiah, ală càr, ƀòn dờng... broă lơh 5 rơndăp broă do gơrềng tus mờ uă broă, uă càr, ƀòn dờng mờ uă làng bol. Den tàng Thủ tướng sồr ală kwang bàng tus pơrjum pal tơrgùm kơlôi sơnơng, sền wơl nền nòn, uă bơta nàng geh cồng nha uă.

Cau mblàng Ndong Brawl