Đơs tàm dơ̆ pơrjum, bal mờ cih dờp ală jơnau đơs tă pơgồp bơh kwang đơng lam bồ ală ƀộ, ngàñ mờ mblàng sền broă gơlik geh, Thủ tướng Cíñ phủ ồng Phạm Minh Chính đơs là, tơngai tus là dơ̆ sa tềp Tây, sa tềp Bơhiàn dà lơgar mờ dơ̆ lơh chờ, jơnau kờñ lòt rê lòt nhơl gơguh uă, bal mờ trồ tiah tam gơl kàl nisơna là bơta ƀươn ngan ai ală kòp bơtờp in lơh bơtờp uă, digơlan gơguh khà cau bơtờp kòp, ngan là gơwèt mờ mpồl kơnòm dềt geh bơta pràn sơndră wơl mờ kòp lơbơn mờ cau dờng sơnam geh kòp lài tàm să, ƀươn bơtờp ală bơta kòp...Den tàng bè hơ̆, kờñ pal pơn jăt tai geh ală broă lơh nàng rơcăng sơndră kòp nàng jơh tơl nă làng bol ndrờm geh wă rò sơnam pa sa tềp lơngăp lơngai, pràn kơldang, chờ hờp chờ hờn, ờ cau lời gơtìp lời ơm wơl hờ ngkời, bal mờ hơ̆ là sồr pơn chèu glòm muh mat, mờ lơh kloh khuẩn ală tiah tơrgùm gal cau, dơ̆ lơh chờ.