VOV4.K’ho- Thủ tướng Cíñ phủ ồng Phạm Minh Chính neh đơng lam pơrjum pờ tơlik tơn tàm internet mờ 8 tiah tiah tàm ngùl lơgar mờ Tây Nguyên nàng kờñ sền sơ wì bơta bơsong bơta hoàc huơr mờ ai jơnau bơsram mờng chài broă lơh rcang sơndră mờ mìu càl rơbŭt dờng sồ 4.

Thủ tướng Cíñ phủ ồng Phạm Minh Chính đơng lam pơrjum sền sơ wì broă lơh rcang sơndră mờ mìu càl rbŭt dờng sồ 4

Đơs tàm dơ̆ pơrjum, Thủ tướng sồr, mhar bơsong jơnau gơ lời wơl tơnơ̆ mìu càl rbŭt dờng, pơs wàs tiah ơm kis, gùng drà nàng sơr băc mhar lơh niam wơl broă lơh mờ gàr niam bơta lơngap lơngai gùng lòt. Lơh niam wơl ală gùng che ồs đèng, jơnau yal tơngĭt, dà sàng goh ngui tàm rài kis nàng gàr niam rài kis ai làng bol in. Dong kờl làng bol, ngan là ală hìu bơnhă kal ke lơh niam wơl hìu đam gơtìp tơrlah tơrling, pồ rơkàng, gơbàn ờdiơng; bơsong mhar ală broă lơh mpồl bơtiàn ngan là hìu bơsram, hìu sơnơm... nàng gàr niam ală bơta ai kơnòm bơsram in lòt bơsram wơl. Bơtàu tơnguh wơl lơh sa suơn sre gơtìp hoàc huơr tài bơh mìu càl rbŭt dờng nàng geh tơl kòi phe, phan bơna ngui sa, bè ờs wơl rài kis làng bol in tàm tơngai tus.

VOV.vn- Cau mblàng K’Hạnh