Tàm tơngai bơh nam 2021 tus jơh nam 2023, gùt lơgar geh 499 rơndap broă lơh hìu ơm dong kờl mpồl bơtiàn geh lơh mờ khà 411 rbô 250 nơm hìu. Bè rơndap ù tiah, ai bă ù lơh hìu ơm dong kờl mpồl bơtiàn, tŭ do gùt lơgar neh rơndap ù tiah 1 rbô 316 bă ù, ơnàng 8 rbô 611 lồ lơh hìu ơm dong kờl mpồl bơtiàn, gơguh 5 rbô 252 lồ pơndrờm mờ nam 2020.

Đơs pơn dut pơrjum, Thủ tướng ồng Phạm Minh Chính đơs nền, lơh hìu dong kờl mpồl bơtiàn, hìu ơm cau lơh phan in là tơngume kuơmàng bơh ală broă lơh dong kờl bơtàu tơnguh lơh sa – mpồl bơtiàn dê. Lơh hìu ơm, tàm hơ̆ geh hìu ơm ai cau geh sră dong kờl bơh dà lơgar bè hìu ơm in, dong kờl cau geh priă jền lơh geh ờ uă, cau lơh phan in là kơnòl bơh dà lơgar, bơh mpồl bơtiàn mờ bơh làng bol dê. Thủ tướng sồr, Ƀộ Kwang àng, Ƀộ Quôk phòng lơh ngan tàm nam 2024, tơl Ƀộ lơh 5 rbô nơm hìu ơm dong kờl mpồl bơtiàn; Tổng Liên đoàn Lao động Việt Nam lơh ngan tàm nam 2024 lơh 2 rbô nơm hìu ơm dong kờl mpồl bơtiàn.