Rơndăp broă lơh do geh bă ù ơnàng rơlao 1 rơbô 250 lồ, tŭ lơh gơs geh lơh tam gơl muh măt ƀòn dờng Cam Ranh. Rơndăp broă lơh Tiah drà jăt gah pòt dà lềng Cam Ranh, càr Khánh Hoà ơnàng 1 rơbô 250 lồ, rơlao 230 rơbô nă, gơwèt ù tiah tàm 10 xã, sơnah ƀòn jăt gah pòt dà lềng Cam Ranh, ƀòn dờng Cam Ranh.

Rơndăp broă lơh geh 8 rơbô 500 nơm hìu rềp bal, rơlao 10 rơbô nơm hìu kwơ̆, mờr 20 rơbô nơm hìu tàm mpồl bơtiàn. Kờp jơh khà priă tă lơh rơlao 85 rơbô tơmàn đong, ờ hềt geh bal ală priă tă tơm ntrờn, dong kờl lơh ƀòn ơm kis pa. Tơngai lơh rơndăp broă bơh nam 2023 tus nam 2027. Jơnau kờñ bơh Rơndăp broă do dê là lơh tiah drà pa ndrờm bal, geh tiah lơh hìu ơm, broă lơh mpồl bơtiàn, hìu bơsram, hìu sơnơm, drà, anih kă bro, broă lơh ơm rơlô să, ƀlàng golf, ƀlàng jăt tơngu me. Rơndăp broă lơh gơs geh pơgồp bal ai bă ù tiah do tàm broă lơh geh cồng nha, lơh pràn lơh sa mpồl bơtiàn tiah jăt gah pòt dà lềng Cam Ranh tơnguh bơtàu.