Thủ tướng Cíñ phủ ồng Phạm Minh Chính đơs nền, Việt Nam sùm sền EU là lơgar lơh broă bal kwơ màng lam lài tàm broă lơh lơh broă mờ lơgar ndai bơh lơgar Việt Nam dê. Thủ tướng đơs sùm, lơh sa tơlir, lơh sa sồ, lơh sa tàm pơdar wơl mờ bơtàu tơnguh kơ̆ kơljap là gùng dà ờ gơtùi pleh ai broă lơh jŏ jòng nàng bơtàu tơnguh lơh sa-mpồl bơtiàn bơh ală lơgar, ală tiah, mpồl lơh sa kă bro mờ cèng tus jơnau geh cồng nha tàm uă lơgar dê.

Cíñ phủ Việt nam neh tơngŏ bơta jơh nùs mờ bơta kơ̆p kờñ lơh geh bơta tam gơl pràn kơl dang mờ geh cồng nha rlau tai tàm tơngai tus mờ broă ring bal broă lơh jŏ jòng dà lơgar bè tơnguh lơh sa tơlir tơngai bơh nam 2021-2030, rơndap broă lơh tus nam 2050. Là dùl lơgar gam bơtàu tơnguh, mơya Việt Nam neh khin cha ai tơlik ală jơnau hơ pràn kơl dang ngan bè bơtàu tơnguh jơ̆ kơl jap. Việt Nam neh bal mờ mờr 150 lơgar hơ ờ tuh tai nhơm bơ̆ hờ bơdìh tàm 2050 nam; bal mờ rlau 100 dà lơgar tus bal jơnau hơ ờ tuh tai nhơm metan jơh gùt plai ù tàm nam 2030.