Pơrjum kờp dŭ geh bơyai lơh tàm ngai 26 nhai 03 tus, tàm Hìu lơh broă Cíñ phủ. Thủ tướng jào Ƀộ trưởng Ƀộ Nội vụ ai broă rơndăp bơyai lơh Pơrjum cri bơyai bơh Thủ tướng Cíñ phủ mờ ơruh pơnu nam 2023; rơcang nền nòn ală mpồl jơnau lùp nàng geh bơta niam mờ mŭt tàm nùs nhơm kòn bơnus, jào jơnau yal loh làng, di pal, di mờ bơta tàm mùl màl mờ ơruh pơnu kơ̆p kờñ.

Tơngu me cri bơyai geh broă lơh jăt kơrnoăt, broă dong kờl mờ ală kơrnoăt tàm adăt boh lam dê gơwèt mờ ơruh pơnu; broă lơh bơh ală anih lơh broă, mpồl lơh broă gơrềng bal tus mờ gơnoar bal mờ bơta kwơ di mờ adăt boh lam bơh ơruh pơnu dê; gơnoar, kơnòl bơh ơruh pơnu dê tàm broă bơsram sră, lơh broă, bơsram tàp, tus bal broă tơnguh bơtàu lơh sa mpồl bơtiàn mờ sền gàr Dà lơgar.