VOV4.K’ho- Dờp jơnau jà bơh Kwang atbồ lơgar Mỹ ồng Joe Biden, bơh ngai 11 tus ngai 17 nhai 05, Thủ tướng Cíñ phủ Việt Nam ồng Phạm Minh Chính geh lam bồ mpồl kwang bàng Việt Nam tus bal pơrjum kwang bàng kấp dờng kuơ màng ASEAN mờ Mỹ, còp mờ lơh broă tàm lơgar Mỹ mờ Liên hợp quốk.

Do là dơ̆ lòt lơh broă  hờ lơgar ndai dơ̆ sơnrờp bơh Thủ tướng ồng Phạm Minh Chính dê tàm tơngai Việt Nam neh gròi sền jai kòp Kovid-19 tàm gùt  lơgar, pin dờn pờ mpồng wơl, lam lơh broă lơh bơtàu tơnguh mhar mờ bơtàu tơnguh kơ̆ kơljap lơh sa-mpồl bơtiàn, lơh ngan mut gơrờm bal dunia tơl làm, jrô ơnàng, ngan ngồn mờ geh cồng nha. Dơ̆ lòt lơh broă bơh Thủ tướng ồng Phạm Minh Chính dê tus lơgar Mỹ dơ̆ do geh kơ̆p gơn mờ là tŭ tơngai niam nàng lơh jat rlau tai cồng nha niam bơnĕ tàm gĭt gơ̆p lơh sa đah 2 lơgar dê.

Cau mblàng K’ Hạnh