Thủ tướng ồng Phạm Minh Chính chờ hờp mờ ồng Nguyễn Hoà Bình, ồng Hồ Đức Phớc, ồng Bùi Thanh Sơn geh pồ ăt gơnoar broă Phó Thủ tướng Cíñ phủ; ồng Đỗ Đức Duy geh pồ ăt gơnoar broă Ƀộ trưởng Ƀộ Phan geh is mờ Tiah ơm kis, ồng Nguyễn Hải Ninh geh pồ ăt gơnoar broă Ƀộ trưởng Ƀộ Sền gàr adăt boh lam. Do là bơta chờ hờp dờng ngan mơkung là kơnòl kơn jơ̆ kơn jŭt ngan mờ Đảng, Dà lơgar pin dờn jàu lơh.

Thủ tướng kơ̆p kờñ ală ồng pa geh pồ ngui niam bơta pràn, mờng chài broă lơh, “kong bòl glar kal ke bal” mờ mpồl kwang bàng Cíñ phủ lơh jăt niam rlau tai tam klăc, ring bal, duh rơngòt adăt boh lam, sàng goh song dơ pă, tam gơl pa bơceh lơh, lơh sir jak ngan ală kơnòl broă geh jàu; sùm jơh nùs, jơh pràn drơng broă Dà lơgar, drơng broă Làng bol in.