Đơs tàm do, Thủ tướng Cíñ phủ ồng Phạm Minh Chính đơs sùm, Nghị quyết Pơrjum dờng dơ̆ XIII bơh Đảng dê, đơs loh, bơtàu tơnguh Dà lơgar kơ̆ kơl jap jat tàm khoa họk Kông nghệ mờ tam gơl pa bơceh lơh. Thủ tướng đơs là pal kơlôi sơnơng slogan bơh Anih tờm dê là “Tơrgùm jơh bồ tơngoh mờ lơh gơrề uă bơta kwơ tam gơl pa bơceh lơh Việt Nam dê”.

Pơn jat hơ̆, Thủ tướng ồng Phạm Minh Chính tus còp Tập đoàn Lơh sa mờ măi mŏk - Viễn thông ling klàng (Viettel) mờ lơh broă bè broă lơh kơlôi sơnơng lơh sa kông nghệ kao bơh Viettel dê. Tàm do, Thủ tướng sồr Viettel pơn jat tai lơh jat niam rlau tai broă rơndap lơh mờ gơnoar broă bơh he dê nàng lơh jat ală kơnòl broă geh jàu. Tàm hơ̆, pal tơrgùm bơt bơtàu mờ bơtàu tơnguh, là bơta tờm ngan nàng bơt bơtàu tơrgùm lơh sa mờ măi mok sền gàr dà lơgar kông nghệ kao; bơt bơtàu, bơtàu tơnguh rài lơh sa mờ măi mok phan bơna drơng broă làng bol in, pơgồp bơnah lơh jat kơnòl broă ai lơgar Vịêt Nam gơ gơs dùl dà lơgar lơh sa mờ măi mok bơtàu tơnguh; tềng đap mat drơng broă pràn kơl, lơh geh cồng nha tam gơl sồ Dà lơgar gơwèt mờ ală broă tờm bơt bơtàu Cíñ phủ sồ, mpồl bơtiàn sồ; at gơnoar broă đơng pơlam broă lơh tam gơl sồ; bơt bơtàu ală jơnau Dà lơgar; sơlơ tơnguh sền gàr lơngap lơngap, lơngap lơngai Viễn thông, lơngap lơngai internet.