Đơs pơndŭt dơ̆ lơh broă, Thủ tướng ồng Phạm Minh Chính jờng rơ ală bơta pơn đơl pràn lơh ngan mờ cồng nha lơh geh bơh Đảng ƀộ, gơnoar atbồ, ling klàng mờ làng bol càr Bắc Kạn dê, pơgồp bơnah kwơ màng tàm cồng nha bal bơh gùt lơgar.

Tàm tơngai tus, Thủ tướng sồr, càr Bắc Kạn lơh jat niam, geh cồng nha Nghị quyết Pơrjum dờng dơ̆ XIII bơh Đảng, Nghị quyết Pơrjum dờng Đảng bộ càr dê; Lơh jat tàm bơta lơh ngan, pal geh nùs nhơm lơh ngan uă, broă lơh kràñ cê jơh nùs mờ geh cồng nha. Là tiah geh uă ngan làng bol kòn cau dùl ết nă cau ơm kis, bơcri priă ai bơtàu tơnguh phan bơna bơt bơtàu, drơng broă lòt nhơl pal pơgồp bal mờ gàr niam lơngap lơngai, rơndăp tăp sèng lơngap lơngai mpồl bơtiàn mờ sùm bơtàu tơnguh rài kis bơh làng bol kòn cau dê in. Bơtàu tơnguh pal gơ jat bal mờ bơta ring bal mờ gơguh jak mpồl bơtiàn. Thủ tướng đơs sùm, càr pal lơh niam broă lơh rơndap ù tiah mờ bơtàu tơnguh bơt bơtàu phan bơna, sền do là kơnòl broă cíñ trị tờm ngan mờ lài ngan bơh càr dê. Mhar lơh sir mờ dan kĭ ring bal rơndap ù tiah càr dê tơngai bơh nam 2021- 2030, rơndap broă lơh tus nam 2050.