VOV4.K’ho - Thủ tướng Cíñ phủ ồng Phạm Minh Chính pa geh dơ̆ lơh broă mờ kwang bàng tờm, cau jăk chài, cau khoa họk tàm Họk viện Nông nghiệp Việt Nam.

                  Thủ tướng Cíñ phủ ồng Phạm Minh Chính lơh broă mờ Họk viện Nông nghiệp Việt Nam

Jơnau yal tàm dơ̆ lơh broă pà gŏ, ală nam do, Họk viện neh bơto ai dà lơgar mờ ờ uă lơgar ndai in rơlao 120 rơbô nă kỹ sư mờ kwang bàng atbồ geh bơta ngăc ngar đại họk, rơlao 10 rơbô nă thạk sĩ mờ rơlao 600 nă tiến sĩ. Do geh sền là bơta pràn kwơ màng tàm gah lơh sa suơn sre. Đơs tàm dơ̆ lơh broă, Thủ tướng Cíñ phủ ồng Phạm Minh Chính đơs tờm, Họk viện pal lơh jăt Nghị quyết Dà lơgar 5 bè lơh sa suơn sre, ƀòn lơgar, làng bol lơh broă sa; bè lơh sa mpồl mờ bè ù tiah kung bè Nghị quyết bè tam gơl tờm, tơl ală bơta bơto bơtê mờ bơsram. Thủ tướng sồr, Họk viện pal lơh jăt gùng dà bơh Đảng, Dà lơgar bè broă tơnguh bơtàu lơh sa suơn sre, làng bol lơh sa, ƀòn lơgar nàng lơh jăt geh cồng nha kơnòl bơto cau lơh broă geh bơta niam uă drơng broă tơnguh bơtàu lơh sa suơn sre mờ ƀòn lơgar.

Cau mblàng Ndong Brawl