VOV4.K’ho - Mho òr (27/03), Thủ tướng Cíñ phủ ồng Phạm Minh Chính geh dơ̆ lơh broă mờ kwang bàng đơng lam tờm càr Quảng Nam. Tơnơ̆ mờ tŭ iăt ală jơnau đơs, jơnau cri bơyai, jơnau đơs pơn dŭt dơ̆ lơh broă, Thủ tướng Cíñ phủ ồng Phạm Minh Chính đơs niam ală jơnau kờñ mờ càr geh ai, neh tơlik broă lơh ngan uă, nùs nhơm geh kơnòl bè broă tơnguh bơtàu bơh càr do dê, tơnguh uă rài kis làng bol.

         Thủ tướng Cíñ phủ ồng Phạm Minh Chính lơh broă mờ kwang bàng đơng lam tờm càr Quảng Nam

Bè nùs nhơm đơng lam, Thủ tướng đơs tờm: Pal lơh jăt, lơh geh cồng nha Nghị quyết Pơrjum dờng dơ̆ 13 Đảng dê mờ Nghị quyết Pơrjum dờng Đảng ƀộ càr; ngui, lơh jăt di mờ gùng dà broă lơh bơh Đảng, adăt boh lam bơh dà lơgar, broă đơng lam bơh Cíñ phủ, Thủ tướng Cíñ phủ. Lơh jăt di pal tàm mùl màl, geh bơh tàm bơta mùl màl, git jơnau bal tàm bơta mùl màl, ai bơta mùl màl lơh bơta tờm; lơh jăt jơnau kờñ tơl jơh sùm, mơya pal ring bal, bơceh lơh, gàr niam geh cồng nha. Lơh geh bơta tờm, lơh geh kwơ, lơh tus tàm tiah lơi sir tàm tiah hơ̆, broă lơi lơh gơs broă hơ̆.

Cau mblàng Ndong Brawl