VOV4.K’ho-  Mho ngai 12/06, Thủ tướng Cíñ phủ ồng Phạm Minh Chính lơh broă mờ Ƀan Thường vụ Tỉñ ủy Bắc Giang bè broă lơh mờ cồng nha lam lơh jat Nghị quyết Pơrjum dờng dơ̆ 13 bơh Đảng mờ Nghị quyết Pơrjum dờng dơ̆ 19 bơh Đảng ƀộ càr Bắc Giang.

Thủ tướng Cíñ phủ ồng Phạm Minh Chính lơh broă mờ kwang đơng lam bồ càr Bắc Giang

Tơnơ̆ tŭ iăt jơnau yal bè bơta lơh sa- mpồl bơtiàn bơh càr dê, uă ngan kwang bàng ring bal mờ jơnau yal bơh càr dê mờ ală jơnau đơs ai tơlik. Pơndŭt dơ̆ pơrjum, Thủ tướng Cíñ phủ ồng Phạm Minh Chính jờng rơ uă ală cồng nha mờ gơnoar atbồ bal mờ làng bol càr Bắc Giang neh lơh geh tàm tơngai pa do. Bè kơnòl broă mờ gùng dà broă lơh tàm tơngai tus Thủ tướng sơnnio loh: lơh nền, lam lơh jat geh cồng nha Nghị quyết Pơrjum dờng dơ̆ 13 bơh Đảng dê mờ Nghị quyết Pơrjum dờng Đảng ƀộ càr; ngui, lơh jat di gùng dà broă lơh, adat boh lam bơh Đảng mờ Dà lơgar dê mờ bơta đơng lam, sồr lơh bơh Cíñ phủ, Thủ tướng Cíñ phủ dê. Sền gròi sền sơ wì wơl, tơn jơh, sền sơ wì jơnau bơsram mờng chài, lơh jat broă lơh niam, broă lơh geh cồng nha nàng pơn jat tai lơh uă, lơh geh bơta gơ rề lơh uă.

Cau mblàng K’Hạnh