VOV4.K’ho- Mho ngai 20/03, pơn jăt tai dơ̆ lòt còp mờ lơh broă tàm càr Bình Phước, Thủ tướng Cíñ phủ ồng Phạm Minh Chính mờ mpồl lơh broă bơh Cíñ phủ dê neh lơh broă mờ Mpồl duh broă sùm Tỉñ ủy Bình Phước bè broă bơtàu tơnguh lơh sa- mpồl bơtiàn nam 2021, 02 nhai bồ nam 2022; gùng dà mờ broă lơh bơtàu tơnguh lơh sa- mpồl bơtiàn nam 2022 mờ ală nam pơn jăt tai.

Đơs pơndŭt dơ̆ lơh broă, tơngai tus, Thủ tướng ồng Phạm Minh Chính sồr Kwang bàng đơng lam bồ tờm Ủy ƀan Ñân zân càr Bình Phước lơh jăt niam nùs nhơm rơcăng lài is, lơh tờm is brồ guh bơh mpàng tê bồ tơngoh he dê, jòi jơh ală broă lơh tơnguh broă lơh geh priă jền mờ tơrmù dơ̆ ngui priă jền, tềm pềr mờ tơrgùm priă jền ai bơcri bơtàu tơnguh in; pal gĭt nền broă tờm, broă kwơmàng, pleh bơcri priă rah rài, tam dră jơnau ờ niam sa kwề sa kwà, pơhì pơhà.

Bè kơnòl broă loh làng, Thủ tướng sồr lơh jăt geh cồng nha jơnau đơs “Gơdờp bal ờdo ờdă, ngăc ngar, gròi sền geh cồng nha kòp Kovid-19”, lơh jăt niam Broă lơh bơtàu tơnguh wơl mờ bơtàu tơnguh lơh sa- mpồl bơtiàn. Pơn jăt tai bơsram mờ lơh jăt ngan ngồn Kơrnoăt Pơrjum dờng dơ̆ XIII bơh Đảng dê; lam lơh jăt geh cồng nha jơnau kờñ bơh Kơrnoăt Pơrjum dờng Đảng ƀộ càr dơ̆ XI mờ broă tờm là 3 bơta tam gơl kwơmàng, bè: phan bơna, lơh niam wơl sră pơ àr dà lơgar mờ bơtàu tơnguh mpồl cau lơh broă.

Cau mblàng Lơ Mu K’Yến