VOV4.K’ho- Drim ngai 31/8, Thủ tướng Cíñ phủ ồng Phạm Minh Chính bal mờ Mpồl kwang bàng Cíñ phủ neh geh dơ̆ lơh broă mờ kwang đơng lam bồ càr Bình Thuận. Yal tàm dơ̆ lơh broă, kwang đơng lam bồ càr Bình Thuận neh đơs tus ală bơta pràn krơi is, tŭ niam geh pơn rơ, kal ke, bơta lòng mờ ală bơta ờ niam bè: 2, 3 bơta bơh càr dê bơtàu tơnguh lơyài, ờ hềt kơ̆ kơljap; rơndap tap sèng lơh sa bơh càr dê mờ tàm dơlam is tơl gah broă lơh ờ hềt lơh geh jat jơnau sồr. Lơh bal gam ờ pràn. Rơndap tap sèng phan bơna ờ hềt geh bơcri priă ring bal. Tơngai lam lơh bơt bơtàu phan bơna ală tiah, kụm lơh sa mờ măi mok gam lơyài; broă gơ hòi gơ jà ală rơndap broă lơh bơcri priă ală kâp pơn jat tai gam lơyah...

Càr Bình Thuận kung dan Cíñ phủ, Thủ tướng Cíñ phủ bè phan bơna gùng lòt bè lơh niam, rề ơnàng gùng dờng 28; lơh niam, rề ơnàng gùng dờng 55, crơng gơs tiah kông nghệ kao mờ Tiah lơh sa kềng gah dà lềng; tơnguh khà năng lượng lơh geh wơl, ồs đèng càl hờ dà lềng mờ bơcri priă phan bơna bơtàu tơnguh năng lượng đèng.

Cau mblàng K’Duẩn