Drim ngai 16/03, Thủ tướng Cíñ phủ ồng Phạm Minh Chính lơh broă mờ kwang đơng lam bồ càr Hải Dương nàng sền sơ wì cồng nha lơh jat kơnòl broă bơtàu tơnguh lơh sa- mpồl bơtiàn, bơt bơtàu ală anih lơh broă cíñ trị nam 2022 mờ pơlam gùng dà bơtàu tơnguh tơngai pơn jat tai; mơkung bơsong bàr pe jơnau đơs jơnau dan nàng kờñ lơh geh ală bơta ai Hải Dương in bơtàu tơnguh mhar, kơ̆ kơljap.

Đơs pơndŭt tàm pơrjum, Thủ tướng Cíñ phủ ồng Phạm Minh Chính neh mblàng lơh loh bè bơta  ƀuơn, bơta pràn, bơta pràn tàm pơrlòng mờ ală bơta gam ờ hềt pràn. Tàm tơngai tus, Thủ tướng sồr, càr pal bơsram lơh jat, lam lơh jat geh cồng nha Nghị quyếr Pơrjum dờng dơ̆ XIII bơh Đảng, ală Nghị quyết bơh Dà lơgar mờ Nghị quyết Pơrjum dờng Đảng ƀộ càr dê; ngui mờ lơh jat di gùng dà broă lơh bơh Đảng, broă lơh adat boh lam bơh Dà lơgar dê mờ bơta đơng lam, sồr lơh bơh Cíñ phủ, Thủ tướng Cíñ phủ dê. Thủ tướng sồr, càr Hải Dương pơgồp bal mờ Ƀộ Văn hoá, Thể thao mờ Zu lịch càr Quảng Ninh mờ ală tiah geh gơrềng lơh sir sră nggal pờ ơnàng rơndap ù tiah Mpồl phan lời wơl bơh yau "Yên Tử - Vĩnh Nghiêm - Côn Sơn, Kiếp Bạc”. Mơkung tơrgùm ală bơta pràn, ngan là lơh broă bal dà lơgar, ƀòn lơgar tàm broă atbồ, bơcri priă lơh niam wơl, ngui niam bơta kwơ niam chài, kah yau, lòt nhơl bơh mpồl phan lời wơl bơh yau do dê