Đơs tàm dơ̆ lơh broă, Thủ tướng Cíñ phủ ồng Phạm Minh Chính cih dờp, jờng rơ Đảng ƀộ, gơnoar atbồ, ling klàng mờ làng bol càr Hòa Bình neh tam klac bal, lơh ngan pơn đơl pràn lơh geh ală cồng nha niam bè lơh sa- mpồl bơtiàn. Thủ tướng sồr càr tơrgùm đơng lam, sồr lơh niam broă lơh rơndap ù tiah mờ bơtàu tơnguh rơndap tap sèng phan bơna, sền do là kơnòl cíñ trị tờm mờ broă lam lơh lài bơh càr dê; gròi sền bơcri priă bơtàu tơnguh rơndap tap sèng phan bơna lơh sa- mpồl bơtiàn, ngan là phan bơna gùng lòt.

Thủ tướng Cíñ phủ sồr càr Hòa Bình pal geh broă lơh hòi jà uă ngan rlau jơh tơl bơta priă jền tă pơgồp ai bơtàu tơnguh in; sơlơ tơnguh ai priă bơcri dà lơgar, 3 broă lơh jơnau kờñ dà lơgar; pơn jat tai sơlơ tơnguh broă lơh niam wơl hàñ cíñ, tam gơl niam anih bơcri priă, kă bro; sền gròi tus bơtàu tơnguh ală gah niam chài, mpồl bơtiàn, sền gàr tiah ơm kis, gàr ring niam rài kis mpồl bơtiàn, tơnguh niam rài kis phan bơna, nùs nhơm bơh làng bol dê, sền gàr mờ ngui niam ală bơta kuơ niam chài bơh yau.