Tàm broă lơh lơh broă tàm càr Vĩnh Long tus bal dơ̆ tơngkah kir sơn rai 100 nam Ngai deh Thủ tướng Cíñ phủ lài do ƀồc ồng Võ Văn Kiệt, mho ngai 23/11, Thủ tướng Cíñ phủ ồng Phạm Minh Chính lơh broă mờ Ƀan Thường vụ Tỉñ ủy Vĩnh Long bè bơta lơh sa- mpồl bơtiàn nam 2022, gùng dà broă lơh, kơnòl broă nam 2023.

Đơs pơn dŭt tàm dơ̆ lơh broă, Thủ tướng neh mblàng lơh loh bơta ƀuơn, bơta pràn, ală bơta ờ hềt pràn, jat tàm ală bơta hơ̆, Thủ tướng neh sơñio loh nùs nhơm đơng lam mờ ală kơnòl broă, gùng dà broă lơh tàm tơngai tus. Jat hơ̆, Thủ tướng sồr, càr Vĩnh Long pơn jat tai mblàng bơsram, lam lơh jat geh cồng nha Nghị quyết dơ̆ 13 bơh Đảng dê; Nghị quyết sồ 13 bơh Dà lơgar dê bè bơtàu tơnguh lơh sa- mpồl bơtiàn, gàr niam lơngap lơngai dà lơgar, sền gàr lơngap lơngai tiah ring dà dờng Cửu Long, Nghị quyết sồ 120 bơh Cíñ phủ dê bè bơtàu tơnguh kơ̆ kơljap tiah ring dà dờng Cửu Long gơ dờp mờ tam gơl trồ tiah mờ Nghị quyết Pơrjum dờng Đảng ƀộ càr dê. Ngui, lơh jat di gùng dà broă lơh bơh Đảng, Dà lơgar mờ bơta đơng lam, sồr lơh bơh Cíñ phủ mờ Thủ tướng Cíñ phủ dê.