Jăt Thủ tướng đơs, lơh broă bal lơh sa, kă bro phan bơna, bơcri priă, jak chài măy mok, tam gơl pa bơceh lơh…là ală broă tờm kwơmàng nàng lơh tơnguh tai gĭt gơ̆p 2 lơgar tàm tơngume pa bơtàu tơnguh tơl làm, glòm jơh mờ geh cồng nha rlau bè Tổng Ƀí thư ồng Nguyễn Phú Trọng mờ Kwang ătbồ lơgar Mỹ ồng Joe Biden kơ̆p kờñ.

Thủ tướng ồng Phạm Minh Chính kơ̆p kờñ lơgar Mỹ đơs bal mờ ală mpồl lơh sa kă bro lơgar Mỹ dê đơs is bal mờ lơgar Việt Nam lơh jăt jơnau kờñ hơđang; mơkung bal mờ gơ̆p sơrlèt mờ ală bơta lòng gơcèng bơta gùt plai ù, jơh gùt làng bol, bè: Tam gơl nhơm trồ tiah, khà kờp làng bol ngai sơlơ kra tĕ, kòp bơtờp, roh jơh phan geh is…tàm tŭ lơgar Việt Nam gam ală kal ke tài bơh dồ tŭ tơngai jŏ jòng gơtìp tam lơh lơh aniai, là lơgar gam bơtàu tơnguh, rài lơh sa gam tam gơl, bơta dờng rài lơh sa gam ờ uă ir, jơnau tơl pràn kong jai mờ ală bơta gơrềng bơh đah bơdìh ờ uă. Đơs pơndŭt dơ̆ lơh broă, Thủ tướng ồng Phạm Minh Chính jờng rơ ngan mờ ki ngàm ală jơnau đơs bơh kwang đơng lam bồ mpồl lơh sa kă bro bơh Mpồl duh broă Lơh sa kă bro lơgar Mỹ mờ Asean dê; Thủ tướng sồr ală ƀộ, gah lơh broă pơn jăt tai kơlôi sơnơng, iăt kơno mờ geh jơnau đơs hơ wơl, ai tơl bơta ƀươn ai ală mpồl lơh sa kă bro in.