Thủ tướng jờng rơ ngan, mờ jờng rơ broă lơh ngan bơh ală kwang bàng đơng lam bồ, kâp ủy đảng, gơnoar ătbồ, ling klàng mờ làng bol càr Bình Dương mờ ală cồng nha kwơmàng neh lơh geh, tă pơgồp kwơmàng tàm cồng nha bal bơh gùt lơgar dê. Bè kơnòl broă, broă lơh tờm, Thủ tướng sồr càr Bình Dương pal bơtàu tơngguh tam gơl pràn tàm ală broă. Mhar lơh mờ lơh sir Broă rơndăp lơh lơh jăt Rơndăp ù tiah; gĭt nền tơnggume tờm, tŭ tơngai mờ priă jền lơh jăt ală broă lơh, rơndăp broă lơh tàm Rơndăp ù tiah, ngan là ală rơndăp broă lơh tờm. Lơh pràn ai priă bơcri dà lơgar, ngan là ală broă lơh bơ̆t bơtàu, rơndăp broă lơh tờm; pơn jăt tai rề ơnàng lơh uă ală broă lơh tơrlòng lài lơh broă bal đah dà lơgar mờ làng bol; gơhòi gơ jà bơcri priă lơgar ndai.

Thủ tướng sồr càr Bình Dương lam lài tàm broă dong kờl hìu ơm mpồl bơtiàn ai tơl bơta ai cau lơh broă in blơi, apah, apah blơi hìu ơm; Lam lơh geh cồng nha broă lơh sền gàr niam lơngăp lơngai rài kis mpồl bơtiàn, gàr niam bơta kwơ bal mpồl bơtiàn.