VOV4.K’ho- Ngai 11/9, Thủ tướng Cíñ phủ ồng Phạm Minh Chính neh geh dơ̆ lơh broă mờ Tập đoàn nhơm zờu dà lơgar Việt Nam. Dơ̆ lơh broă geh lơh tơn tàm Hìu lơh broă tờm bơh PVN dê tàm Hà Nội tàm tơrbŏ bal mờ 13 anih pờ tơlik tơn bơh ală anih lơh broă bơh Petrovietnam dê tàm gùt lơgar, ală broă lơh nhơm zờu, dra tơnhàu hờ dà lềng Việt Nam mờ lơgar Nga gơ wèt Petrovietnam.

Thủ tướng Phạm Minh Chính đơs tàm dơ̆ lơh broă mờ Tập đoàn nhơm zờu dà lơgar Việt Nam

Tơnơ̆ tŭ iat ală jơnau đơs, đơs pơn dut tàm dơ̆ lơh broă, Thủ tướng Cíñ phủ ồng Phạm Minh Chính jờng rơ nùs nhơm lơh ngan, tam klac bal, bơceh pa tàm lơh sa, sơrlèt gan ală kal ke nàng gàr sùm bơta bơtàu tơnguh bơh Tập đoàn dê. Thủ tướng đơs nền, sơlơ kal ke, sơlơ geh bơta lòng, kơnòl broă sơlơ kơn jơ̆ den pal sơlơ tam klac, ring bal, rơcang lài, ngac ngar, bơceh pa, khin sơnơng, khin lơh tài bơta kuơ dà lơgar, jơi bơtiàn. Jơnau kờñ kuơmàng ngan rlau jơh là ală oh mi bañ lời gơlik geh bơta ờ tơl năng lượng, ngan là xăng zờu. Pal bơt bơtàu Tập đoàn nhơm zờu là Tập đoàn lơh sa dờng pràn, geh cồng nha, là mpồl lơh sa kă bro tờm ngan tàm broă gàr tơl năng lượng dà lơgar, pơgồp bơnah uă ngan, geh cồng nha ai broă lơh lơh sa mờ măi mok, tam gơl pa dà lơgar.

Cau mblàng K’Duẩn