VOV4.K’ho- Drim ngai 16/08, Thủ tướng Cíñ phủ ồng Phạm Minh Chính bal mờ mpồl lơh broă bơh Cíñ phủ dê neh lòt sền mờ lơh broă mờ Tập đoàn Lơh sa mờ Măy mok Viễn thông Mpồl ling klàng (Viettel). Viettel là mpồl lơh sa kă bro khà dùl bơh gah viễn thông Việt Nam dê mờ là mpồl lơh sa kă bro dờng dơ̆ 4 bơh dà lơgar dê, priă lơh geh bơh lơh sa kă bro tơrgùm bal bơh Tập đoàn dê sùm ơm tàm khà mờr 150 rbô tơmàn đong pah nam; priă cồng ờ hềt tơm priă dia sùm ơm tàm khà mờr 40 rbô tơmàn đong pah nam.

Ala măt kwang bàng đơng lam bồ Đảng, Dà lơgar, Cíñ phủ, Thủ tướng Cíñ phủ ồng Phạm Minh Chính cih dờp mờ jờng rơ ngan ală cồng nha, broă lơh mờ kwang bàng, sĩ quan, cau ling, mờ cau lơh broă bơh Viettel dê neh lơh ngan pơnđơl pràn, lơh geh tàm tơngai lài. Nàng lơh gơs jai kơnòl broă tàm tơngai tus, Thủ tướng sồr Ƀộ Quôk phòng sồr Tập đoàn Viettel lơh jăt niam bàr pe kơnòl broă tờm, tàm hơ̆ đơs sùm: Viettel pal gơ gơs là rùp rài lam lài lơh krơh bơh mpồl lơh sa kă bro dà lơgar dê lơh broă geh cồng nha rlau, là tập đoàn lơh sa mờ măy mok kông nghê kao bơh dà lơgar dê, rơcăng lài, pa ngan, geh bơta pràn jak tàm pơrlòng uă tàm lơgar mờ lơgar ndai.

Cau mblàng Lơ Mu K’Yến