VOV4.K’ho- Ngai 25/09, Thủ tướng Cíñ phủ ồng Phạm Minh Chính neh lơh broă mờ Ƀan Cấp hàñ Đảng ƀộ càr Yên Bái. Thủ tướng jờng rơ uă ală cồng nha Đảng ƀộ, gơnoar atbồ mờ làng bol càr Yên Bái neh lơh geh tàm tơngai pa do.

Thủ tướng đơs là Yên Bái geh tơl ală bơta nàng gơ gơs càr bơtàu tơnguh tàm nam 2025

Thủ tướng đơs sùm, là ù tiah geh uă bơhiàn kah yau, bơta niam chài mờ kăc màng, mờ uă bơta ƀuơn, bơta pràn mờ tŭ tơngai niam uă, Yên Bái geh tơl làm ală bơta nàng bơtàu tơnguh mhar mờ kơ̆ kơljap; gơ gơs càr bơtàu tơnguh tàm nam 2025. Thủ tướng tơngkah pal sền gròi uă ngan bơtàu tơnguh ring bal mờ lơh sa, bơta niam chài rơgơi- mpồl bơtiàn mờ sền gàr tiah ơm kis brê bơnơm pơgồp bal mờ sền gàr dà lơgar, sền gàr lơngap lơngai; bơtàu tơnguh lơh sa mơya pal gàr niam ring bal mpồl bơtiàn, sền gàr tiah ơm kis. Tàm tơngai bơtàu tơnguh pal sùm lơh jat tàm bơta geh ngan; sơlơ tam pà kấp, tam pà gơnoar, tơngŏ kơnòl bơh cau lam bồ dê lòt bal mờ broă lòt sền mờ jat sền.

Cau mblàng K’Hạnh