Pơrjum dơ̆ do geh tơngume: “Dùl Asean Să bồ: Broă tờm bơh Gơguh tai dê”, lơgar Indonesia, lơgar Củ tịc Asean nam 2023 rơ̆p yal uă broă ai lài, broă kơlôi lơh loh làng nàng kờñ tơnguh uă bơta tơl pràn sơrlèt gan bơh Asean dê mờ lam Asean gơ gơs là bơta gơn kơnờm gơguh tai gùt plai ù, tàm hơ̆, sền gròi uă tus gàr tơl năng lượng, gàr tơl phan sa, pơnđơl pràn is lơh sơnơm mờ kơ̆ kơl jăp priă jền lơh sa...mờ uă jơnau sồr tàm jơh bal pe broă Mpồl bơtiàn. Ală dơ̆ pơrjum bơh Pơrjum dờng Kwang bàng kâp dờng Asean dơ̆ 42 dê rơ̆p tơrgùm cribơyai bè ală broă lơh bơ̆t bơtàu mpồl bơtiàn Asean, dơ̆ pơrjum dùl êt rơ̆p cribơyai bè ală broă dunia mờ tiah do sền gròi bal. Digơlan Pơrjum Asean dơ̆ 42 rơ̆p ring bal uă sră nggal kwơmàng bè ală broă lơh broă bal bè cíñ trị- lơngăp lơngai, lơh sa mờ niam chài- mpồl bơtiàn.