Dơ̆ lòt do bơh Thủ tướng Cíñ phủ ồng Phạm Minh Chính dê tơngŏ pràn kơl dang jơnau yal bè dùl lơgar Việt Nam tus bal rcang lài, lơh ngan, tă pơgồp kơnòl broă bal mờ ală lơgar tàm mpồl gàr niam mờ bơt bơtàu gơnoar broă tiah tờm mờ lơh jat niam geh kơnòl jơnau đơs bơh Asean dê gơwèt mờ bơta ring lơngai, kơ̆ kơljap mờ bơtàu tơnguh tàm tiah do mờ tàm dunia; pơgồp bơnah bơt bơtàu tam klăc bal Asean, rcang sơndră geh cồng nha mờ ală bơta lòng gam gơlik geh.

Bal mờ hơ̆ gàr kơ̆ nùs nhơm bơta pal jat bơh Asean dê bè ală broă dunia, tàm tiah do mờ tàm dà lềng đah mat tơngai lik. Mơkung đơs nền gah lơh broă bal lài ngan bơh lơgar Việt Nam dê là tàm tơrbŏ bal phan bơna kwơ màng, tam gơl sồ, tam gơl tơlir, gàr tơl niam phan ngui sa, năng lượng, bơtàu tơnguh tiah dềt mờ sơndră wơl mờ tam gơl trồ tiah.