Tềng đap bơta tơrlah ù gam gơlik geh kơn jơ̆ ngan tàm uă tiah, tàm broă lơh lòt lơh broă tàm Tiah ring dà dờng Cửu Long, mho ngai 11/8 Thủ tướng ồng Phạm Minh Chính bal mờ mpồl lơh broă bơh Cíñ phủ mờ Ƀí thư Tỉñ ủy 3 càr Cà Mau, Sóc Trăng mờ Bạc Liêu lòt sền, sền gròi, sền sơ wì ală bơta tơrlah ù kềng gah dà dờng, kềng gah dà lềng gam gơlik geh kal ke ngan tàm ală càr do dê. Tơnơ̆ tŭ lòt sền bơta geh ngan, Thủ tướng ồng Phạm Minh Chính mờ mpồl lơh broă bơh Cíñ phủ dê geh dơ̆ pơrjum mờ kwang đơng lam bồ 3 càr Cà Mau, Sóc Trăng mờ Bạc Liêu nàng sền sơ wì ală bơta mờ broă lơh bơsong tơrlah ù jăt kềng gah dà dờng, kềng gah dà lềng tàm ală càr do dê.

Đơs tàm dơ̆ lơh broă mờ 3 càr, Thủ tướng ồng Phạm Minh Chính sồr, tềng đap mat ală càr pal rcang lài dong kờl bè ờs wơl rài kis ai ală hìu bơnhă làng bol ơm kis tàm tiah gam gơtìp tơrlah ù, tiah ơm ing, tiah ơm kis pa. Rcang lài ntrờn tơn ală hìu bơnhă làng bol tàm tiah pơhìn gơlik geh tơrlah ù uă, pleh nàng gơtìp rơmơ̆p ndơl, nisơna gơlam tus hoàc huơr màng kis bơh làng bol dê tŭ gơlik geh tơrlah ù. Thủ tướng sồr ală Bộ, ngàñ, ală càr rcang lài gĭt loh ală bơta, đơng lam, lam lơh bơsong, bơsong wơl bơta tơrlah ù jăt gơnăp gơnoar, kơnòl broă mờ gơnoar broă geh jàu, gàr niam di tŭ, geh cồng nha, di pal mờ ală bơta geh ngan; di tŭ yal, dan mờ kấp geh gơnăp gơnoar in đơng lam, bơsong gơwèt mờ ală broă sơr lèt mờ gơnăp gơnoar