Di dơ̆ do, ala mat Kwang đơng lam bồ Đảng, Dà lơgar mờ Làng bol Việt Nam, Thủ tướng jơh nùs ưn ngài ală Đại sứ, Kwang bàng ala mat, Kwang ala mat ală Mpồl dunia tàm lơgar Việt Nam mờ pơyoa jơnau ưn ngài uă ngan tus Cíñ phủ mờ làng bol ală lơgar, ală mpồl dunia neh sùm lời ai nùs nhơm, bơta dong kờl kwơ màng, geh ngan, geh cồng nha ai Việt Nam in tàm tơngai pa do.

Thủ tướng kơ̆p kờñ mờ pin dờn ală Đại sứ, Kwang bàng ala mat, Kwang ala mat ală Mpồl dunia tàm Việt Nam rơ̆p pơn jat tai lơh jat niam gơnoar broă lơh rbàng tàm tơrbŏ bal geh cồng nha, lơh jrô ơnàng rlau tai bơta gĭt gơ̆p lơh broă bal đah Việt Nam mờ ală lơgar, nàng ai lơgar Việt Nam in tus rềp rlau tai mờ dunia mờ cèng dunia tus rềp rlau tai mờ Việt Nam.