Thủ tướng ồng Phạm Minh Chính ki ngàm pơyua jơnau còp să mờ kơ̆p kờñ să jan pràn kơldang bơh Tổng Ƀí thư, Củ tịc lơgar ồng Tô Lâm dê tus mờ Bơtau, Pơ ùr Bơtau mờ Hìu bơnhă Bơtau lơgar Thái Lan dê; nting bơr chờ hờp bal mờ mò Paetongtarn Shinawatra geh Bơtau sền swì ring bal pồ lơh Thủ tướng lơgar Thái Lan; mờ pin dờn Cíñ phủ lơgar Thái Lan mờ Làng bol lơgar Thái Lan rơ̆p pơn jăt tai lơh geh uă cồng nha dờng rlau tai tàm broă lơh bơt bơtàu mờ bơtàu tơngguh dà lơgar.

Thủ tướng ồng Phạm Minh Chính đơs nền gùng dà broă lơh lơh broă mờ lơgar ndai ờ tŭ lơi tam gơl bơh Việt Nam dê sền dờng màng mờ kơ̆p kờñ ai gĭt gơ̆p đah Việt Nam mờ Thái Lan bơtàu tơngguh ngai sơlơ pràn kơldang. Bàr Thủ tướng đơs gĭt gơ̆p Tam klăc lơh broă bal jŏ jòng đah Việt Nam mờ Thái Lan gam bơtàu tơngguh pràn kơldang, geh cồng nha tàm ală broă; dồ nùs bal kờñ pal gờñ tơngguh gĭt gơ̆p 2 lơgar gơguh tus Lơh broă bal Jŏ jòng tơl làm.